قصيدة روعة لحامد زيد عن الأم

[Turki ~]

السلام عليكم
قصييييييدة روعة اعجبتني عن الأم لحاامد زيد
حبيت انقلها لكم



قصيدتي زاد بعيوني جمالها ....واخذت انقي بالمعاني جزالها

واكتب معانيها من الشوق والغلا ....لأمي وأنا أصغر شاعر من عيالها

كتبتها في غربتي يوم رحلتي ....لما طرالي بالسفر ما طرالها

امي وانا بوصف لها زود حبها....وان ماحكيت لها قصيدي حكالها

امي لها بالقلب والجوف منزله....مكانة ما كل محبوب نالها

اقرب من ظلالي وانا وسط غربتي ....وانا تراي اقرب لها من ظلالها

ما شافت اعيوني من الناس غيرها....ولا خلق رب الخلايق مثالها

اغلا بشر في جملة الناس كلهم ....واكرم من ايدين المزون وهمالها

اتبع رضاها ورتجي زود قربها ....واللي طلبته من حياتي وصالها

الصدق مرساها والاشواق بحرها....والعطف واحساس الغلا راس مالها

اهيم فيها وابتسم يوم قلبها ....يسأل وانا قلبي يجاوب سؤالها

وان اطلبتني شي فزيت مندفع ....اموت انا واحمل تعبها بدالها

واصبر على الدنيا والاحزان والتعب ....واحمل على متني فطاحل جبالها

واسهر اعذب راحة القلب بالشقا....واعيش اعاني بس يرتاح بالها

تربية ابوي اللي على الطيب بذكره....اللي وهبني الحياة ومجالها

نور لي ادروبي وانا طفل مبتدي ....حتى تركني واحد من رجالها

الوالدين اولى بالاحسان لجلهم....وأولى بتكريم النفوس وعدلها

اقولها وانا على الله متكل ....والله عليم بقدرتي واحتمالها

ياكلمه اغلى من الناس كلهم ....ياشمس بقلبي بعيد زوالها

يافرحة تملي لي الكون باكلمه ....ياشجره تكبر ويكبر ظلالها

تضحك لي الدنيا ليا شفت زولها....مثل السما تزها بطلة هلالها

والبعد عنها ياهل العرف ما قدره ....لا شك ناري زايده بشتعالها

ما عيش ببلاد ولا هيب بأرضاها ....ولابي عيوني كان ماهي قبالها

ارض تدوس امي بالاقدام رملها ....اموت فيها واندفن في رمالها


للاستماع

http://www.alkaleg.com/UP/9/alkaleg....06198114648.rm

تحياتي....

[احساس الغرافة]

روووووووووووووووووووووووووووووووووووووووعه
تسلم اخوي قانص عالقصيده الروعه
يعطيك العافيه وماقصرت
صح لسان من قالها
الله يخلي امهاتكم لكم انشاءالله وخلي امي فديتها لي

[Turki ~]

مرورج اورع اختي

[غرفاوية وكلي فخر]

صح لسان قايلها وناقلها
حامد زيد دوم اشعارة تبهر المستمع بجمالها وبطريقة طرحه الرائعه

لك تحياتي

[Turki ~]

صح بدنج اختي

ويسلمو عالطلة

[هلاليه**غرفاويه]

ارض تدوس امي بالاقدام رملها ....اموت فيها واندفن في رمالها
الله الله الله ياحامد قلي بس من يجاريك
والشعر من فمك مثل العلاج
ومشكور خيوو قانص على الشعر الروعه ويكفيك ان حامد زيد هو اللي قايله


تحياتي

[أنين الروح]

مشكووووووووووووووووووووووووووور على الموضوع

[Al-Zaini]

ياسلام عليك اخوي قائص كلام جميل الله يخلي امهاتنا انشاءالله

[ابراهيم الكعبي]

ثانكس على النقل