قد تكون مباراة التتويـــــج والله أعلم ..

[غرفاوي وافتخر]

مراااحب


نحن على موعد يوم السبت الموافق 8 / 3 / 2008 مع مباراة الفهود ضد الملك

على استاد ثاني بن جاسم .

حلو انك تحسم الدوري لا والاحلى ان يكون على ملعبك .

لكن بدون جمهورك هذا الشي اللي يعور القلب ان المباراة تكون من غير جمهورك

باختصار الكووورة في ملعبنا واحوج وقت محتاجينكم اللاعبين فيه الحين .

لأن الفريق يعاني من ضغوطات وارهاق لكن بوجودكم كل هالشي يزووووووول وترجع الروح للفريق .

وتحياتي للكل والجميييييييع ...

[ALGHARAFA]

هذا الشي أكيد اخوي غرفاوي وافتخر وجود الجماهير في الملعب تعطي اللاعبين حماس وتبث فيهم عزيمة

الفوز وخصوصآ ان المباراة على ارضنا خلونا نحتفل مع اللاعبين بأرض الملعب بقرب التتويج ان شاء

الله اتمنى اتمنى انشالله اشوف المدرجات مليانه من الجماهير .

وأشكرك عزيزي غرفاوي وافتخر على الموضوع

[غرفاوي 2008]

والله اخوي اني هم هيج توقعي ان نحسم الددوري في الاسبوع الاخير واتمنى حضور الجماهير حتى نوفي للفريق

كما عهدونا ان الدوري غرفاوي هذا الموسم

[الغرافة Girl]

انشالله حسم الدوري بيكون عن طريق قطر ونحن حاسمينّا اصلاً كل التوفيق للفهود وانشالله الفوز لنا
مشكور اخوي غرفــــ و افتخرـــــاوي

[Abdulla]

ان شاء الله نقترب من الحسم ضد نادي قطر المتحفز
بصراحه دايما مبارياتنا مع قطر تبتسم بالنديه والمنافسه وانا متأكد الي راح يحضرون ما راح يندمون لأنهم بيشوفون ملحمه كرويه
ومباراه مفتوحه من الصوبين وان شاء الله راح نحضر ونئزر فريقنا بكل حمااس
ك الشكر اخوي غرفاوي وافتخر على الموضوع
والحمد الله على رجعتك لنا يالغالي بالسلامه ننتظر جديدك

[سفاح اسيا]

الجمهور يزيد من حلاوه اي مباراة ولاتنسون يالجماهير هذول الفهوووووووووود

تحياتي

[بوعبيد]

ان شاء الله الله يسمع منك

وماعليك كلنا بنكون موجودين

[محمد طاهر]

يارب نشاهد الجمهور الكبير لكي نثيت نحن اكبر او من الكبار في القاعده الجماهيريه

[غرفاوي ومرتاح]

ان شاء الله يتواجدون الجمهور في الملعب وانشوف مباراه حلوه من نادي الغارفه والاهم النقاظ الثلاث ..

ويعطيك العافيه اخوي غرفاوي واغتخر وننتضر جديدك اخوي ..

[::كيفي غرفاويه::]

انشالله يتواجدون الجماهير في المباراه الجايه

ويالتوفيق للفهود

[مجروح قطر]

ان شاءالله اخوي راح نكون في الملعب خاصه انه الملعب ملعبنا وقريب علينا
يعني مب حلوه فريقنا يلعب ويأدي ويحقق النقاط الكامله والجمهور مب خلفه
لازم نأزر الفريق في المرحله المقبله لان اللاعبين محتاجين الى هالدفعه المعنويه
بيض الله ويهك اخوي غرفاوي وافتخر على الموضوع الراقي

[3arif]

اللي يقدر يروح وما بيروح ما له حق والله هاااي مباراة غير
الله يوفق الفهود

[غرفاوي وافتخر]

مشكورين عالتواااصل

[Maldini-3]

كل المؤشرات تدل على ان المباراة ستكون قوية من جميع الاطراف وجميع الخطوط مثل ما قلت في السابق الفريقين يعانون من خلل في الدفاع نوعا ما وقوة في الوسط والهجوم ..

اصرار قطر على الدخول الى المربع الذهبي واصرار الغرافة على حسم اللقب يجعل من المباراة قمة كروية حقيقية والمباراة كما قال اخوي عبدالله راح تكون هجومية ومفتوحة وكل فريق يريد ان يسجل وينهي المباراة منذ وقت مبكر ..

دور جمهور الغرافة هو التواجد من اجل ان يكون اللقاء اكثر حلاوه ودورنا مهم جدا لان الدوري ان شاء الله سيحسم ومن العيب علينا ان الفريق سيحسم اللقب ولا تكون في المباراة جماهير تقف مع اللاعبين من اجل تحفزيهم لان هذا الشي اجباري على كل من يقول انه غرفاوي لان الغرفاوي مشجع يشعر بالمسؤولية ورجل الشدائد ..
اتمنى من كل قلبي حظور جماهيري غفير لنادي الغرافة لكي نفرح فرح كبير ..

الف شكر لك اخوي عل موضوعك وتقبل مروري ..

اخوك محلل ايطالي